वालिङ । आयोजक वालिङ एफसी वालिङ गोल्डकप फुटबल प्रतियोगिताको फाइनलमा प्रवेश गरेको छ ।
बुधबार भएको पहिलो सेमिफाइनलमा एपीएफ क्लबलाई १-० गोल अन्तरले हराउँदै वालिङ उपाधि नजिक पुगेको हो ।
वालिङको जितमा अजयी मार्टिन्सले निर्णायक गोल गरे ।
मार्टिन्सले खेलको छैटौं मिनेटमा टिका राज गुरुङको पासमा हेडमार्फत गोल गरे ।
खेलमा वालिङका विश्वास श्रेष्ठ म्यान अफ द म्याच चुनिए ।
अब वालिङले उपाधिका लागि एभिनियर एफसी क्यामरुन र वालिङ एफसी जुनियरबीचको विजेतासँग खेल्नेछ ।
दोस्रो सेमिफाइनल खेल बिहीबार हुनेछ ।
वालिङ युनाईटेड फुटबल क्लबको आयोजनामा जारी प्रतियोगिताको विजेताले ५ लाख नगद प्राप्त गर्ने छन् । उपविजेताले २ लाख ५० हजार पाउने छन् ।
यस्तै प्रतियोगिताको सर्वोत्कृष्ट खेलाडीले १० हजार पाउने छन् । व्यक्तिगत विधातर्फ उत्कृष्ट हुनले जनही ७ हजार पाउने छन् ।
