सराबिया उल्भ्समा अनुबन्धित

काठमाडौं । इंग्लिस प्रिमियर लिग क्लब उल्भ्सले स्पेनिस विंगर पाब्लो सराबियालाई अनुबन्ध गरेको छ ।

उल्भ्सले पेरिस सेन्ट जर्मेन (पीएसजी) बाट सराबियालाई ४.४ मिलियन पाउण्डमा अनुबन्ध गरेको हो ।

३० वर्षीय विंगर सराबियाले उल्भ्ससँग साढे दुई वर्षको सम्झौता गरेका छन् ।

सराबिया २०१९ मा सेभियाबाट पीएसजी आएका थिए ।

पीएसजीका लागि उनले ३५ लिग वानमा ११ गोल गरेका छन् ।

सराबियाले स्पेनका लागि २६ खेलमा ९ गोल गरेका छन् ।