सराबिया अनुबन्धका लागि उल्भ्स सहमत

काठमाडौं । इंग्लिस प्रिमियर लिग क्लब उल्भ्सले स्पेनिस विंगर पाब्लो सराबियालाई अनुबन्ध गर्ने भएको छ ।

पेरिस सेन्ट जर्मेन (पीएसजी) का सराबियालाई ४.४ मिलियन पाउण्डमा अनुबन्ध गर्न उल्भ्स सहमत भएको बीबीसीले जनाएको छ ।

३० वर्षीय विंगरको मंगलबार उल्भ्समा मेडिकल हुनेछ ।

सराबियाले उल्भ्ससँग साढे दुई वर्षको सम्झौता गर्ने बताईएको छ ।

सराबिया २०१९ मा सेभियाबाट पीएसजी आएका थिए ।

पीएसजीका लागि उनले ३५ लिग वानमा ११ गोल गरेका छन् ।