पृथ्वीको तेहेरो शतक

काठमाडौं । भारतका युवा ओपनर पृथ्वी शा ले रणजी ट्रफीमा दोस्रो व्यक्तिगत उच्च रन बनाएका छन् । 

रणजी ट्रफिमा सर्वाधिक रन बनाउनेमा पहिलो स्थानमा भासाहेब निम्बाल्कर रहेका छन् । निम्बाल्करले १९४८ मा महाराष्ट्रबाट खेल्दै ४ सय ४३ रन बनाएका थिए ।

दोस्रो स्थानमा रहन सफल पृथ्वीले असामविरुद्ध ३ सय ७९ रनको सानदार तेहेरो शतक प्रहार गरेका छन् । 

टस हारेर पहिला ब्याटिङ थालेको मुम्बईका लागि खेल्दै दोस्रो दिनमा नै उनले ३ सय ७९ रन बनाएका हुन् । पृथ्वीको तेहेरो अर्धशतकको सहयोगमा मुम्बईले पहिलो ईनिङमा ४ विकेट गुमाएर ६ सय ८७ रनमा पहिलो ईनिङको समाप्त गरेको थियो ।

पाँच टेस्ट, छ एकदिवसीय र एक टीट्वान्टी अन्तर्राष्ट्रिय खेलिसकेका पृथ्वीले अन्तिम पटक सन् २०२१ को जुलाईमा श्रीलंका भ्रमणका क्रममा भारतका लागि खेलेका थिए ।

तेस्रो विकेटका लागि शा र अजिङ्का रहाणेले ५ सय ४ बलमा ४ सय १ रनको साझेदारी गरेका थिए ।

इन्डियन प्रियिमर लिग (आइपिएल) मा दिल्ली क्यापिटल्स र घरेलु क्रिकेटमा मुम्बईबाट राम्रो प्रदर्शन गरेपनि उनी भारतीय टोलीमा छैनन् । शा आक्रामक ब्याटिङका लागि चिनिन्छन् ।

शा भारतलाई २०१८ को यू१९ विश्वकप उपाधि जिताउने कप्तान समेत हुन् । शाको यस पटकको घरेलु प्रतियोगितामा भने प्रदर्शन अपेक्षा भन्दा केहि कमजोर छ ।