कन्वेको शतकमा पाकिस्तानलाई २६२ रनको लक्ष्य 

काठमाडौं । न्युजिल्याण्डका ओपनर डेभोन कन्वेको १ सय १ रनको शतकीय ईनिङ खेलेपछि घरेलु टोली पाकिस्तानविरुद्धको दोस्रो एकदिवसीय क्रिकेटमा न्युजिल्याण्डले २ सय ६२ रनको लक्ष्य दिएको छ । 

कराँचीमा जारी खेलमा टस जितेर पहिले ब्याटिङ गरेको पाहुना टोलीले ४९.५ ओभरमा अलआउट हुँदै २ सय ६१ रन बनायो । 

पाहुना टोलीका लागि ओपनर कन्वे र कप्तान केन विलियम्सले दोस्रो विकेटका लागि १ सय ८१ रनको साझेदारी गरे पनि घरेलु टोलीले २ सय ६१ रनमा रोक्न सफल भयो । 

१ सय ८३ रनमा पहिलो विकेट गुमाएको पाहुना टोलीले ७८ रन जोड्दा ८ विकेट गुमायो । 

कन्वेले नसिम शाहको बलमा बोल्ड हुनु अघि १ सय १ रन बनाए । कन्वेले ९२ बलमा १३ चौका र १ छक्का प्रहार गरेका थिए । कप्तान केन विलियम्सले १०० बलमा ८५ रनको अर्धशतकीय ईनिङ खेले ।

मिचेल स्यान्टेनरले अविजित ३७ रन बनाउँनु बाहेक अन्यले दोहोरो अंकमा रन बनाउँन सकेनन् । 

घरेलु टोलीका लागि मोहम्मद नवाजले १० ओभरमा ३८ रन दिएर ४ विकेट लिदाँ नसिम शाहले ४ विकेट लिए । उस्मान मिर र हरिस रउफले समान एक एक विकेट लिए । 

दुई टोली बीचको तीन खेलको एकदिवसीय सिरिजमा घरेलु टोली १-० ले अघि रहेको छ ।