काठमाडौं । विराटनगर सुपर किङ्सका हुसेन तलत पहिलो संस्करणको नेपाल टी-ट्वान्टी क्रिकेट लिगको सर्वोत्कृष्ट खेलाडी बनेका छन् ।
उपविजेता टोली विराटनगरका हुसेनले सर्वोत्कृष्ट खेलाडी बन्दै प्लेयर अफ द सिरिज अवार्ड हात पारेका हुन् ।
उनले प्रतियोगितामा १३ खेल खेल्दै ३६७ रन जोड्नुका साथै १० विकेट लिएका थिए । उनले १३ खेलमा १० विकेट तथा १३ खेलमा २ अर्धशतक सहित ३ सय ६७ रन बनाएका थिए ।
तर, तलतले टोलीलाई उपाधि दिलाउन भने सकेनन् । बुधबार भएको फाइनलमा विराटनगर लुम्बिनी अल स्टारसँग पराजित भयो ।
सर्वोत्कृष्ट खेलाडी घोषित हुसेनले नगद ५ लाख प्राप्त गरे ।
यस्तै काठमाडौं नाइट्सका अविनाश बोहरा उत्कृष्ट बलर घोषित भए । ११ खेलमा १९ विकेट लिएका उनले २ लाख ५० हजार प्राप्त गरे ।
फारवेस्टका हस्मतुल्लाह शाहिदी उत्कृष्ट ब्याटर चुनिए । शाहिदीले १० खेलमा ४ अर्धशतक सहित ४ सय रन बनाएका थिए । उनले पनि २ लाख ५० हजार प्राप्त गरे ।
विराटनगरका सूर्य तामाङ उदीयमान खेलाडी चुनिए । सुर्यले ८ खेलमा १२ विकेट लिएका थिए ।
सूर्यले १ लाख ८० हजार रुपैयाँ प्राप्त गरे ।
