शनकाको शतकका बाबजुद भारतको जित 

काठमाडौं । घरेलु टोली भारतले श्रीलंकाविरुद्धको पहिलो एकदिवसीय खेलमा जित हात पारेको छ । 

गुवाहाटीमा भएको खेलमा भारतले पाहुना टोलीलाई ६७ रनले पराजित गरेको हो । यो जितसँगै घरेलु टोलीले तीन खेलको एकदिवसीय सिरिजमा १-० को अग्रता लिएको छ ।

घरेलु टोलीले दिएको ३ सय ७४ रनको लक्ष्य पछ्याएको पाहुना टोलीले ५० ओभरमा ८ विकेट गुमाएर मात्र ३ सय ६ रन बनायो । 

पाहुना टोलीका लागि कप्तान दासुन शनकाले ८८ बलमा अविजित १ सय ८ रनको शतकीय ईनिङ खेले । शनकाले १२ चौका र ३ छक्का प्रहार गरे । 

ओपनर पथुम निशंकाले ८० बलमा ७२ रनको अर्धशतकीय ईनिङ खेले । निशंकाले ११ चौका प्रहार गरेका थिए । 

धनन्जय डा शिल्भा ४७ रनमा आउट हुँदा चरिथ अशलंकाले २३ रन बनाए । वानिन्दु हसरंगा १६ रनमा आउट हुँदा चमिका करुणारत्नेले १४ रन बनाए । 

घरेलु टोलीका लागि उमरान मल्लिकले ३ तथा मोहम्मद सिराजले २ विकेट लिए । हार्दिक पाण्ड्या,मोहम्मद सामी र युजभेन्द्र चहलले समान एक एक विकेट लिए । 

त्यसअघि पहिले ब्याटिङ गरेको भारतले ५० ओभरमा ७ विकेट गुमाएर ३ सय ७३ रन बनाएको थियो । 

घरेलु टोलीका लागि विराट कोहलीले ८७ बलमा १ सय १३ रनको शतकीय ईनिङ खेले । कोहलीले १२ चौका र १ छक्का प्रहार गरे । 

रोहित शर्मा र शुभमन गिलले अर्धशतक बनाए । कप्तान शर्माले ६७ बलमा ८३ रन बनाए । रोहितले ९ चौका र ३ छक्का प्रहार गरे । गिलले ६० बलमा ११ चौकाको सहयोगमा ७० रन बनाए ।

केएल राहुल २९ बलमा ३९ रनमा आउट हुँदा श्रेयस अय्यरले २८ रन बनाए । हार्दिक पाण्ड्याले १४ रन बनाउँदा मोहम्मद सिराजले अविजित ७ रन बनाए । 

पाहुना टोलीका लागि कसुन रन्जिथाले ३ तथा दिल्शान मधुशंका,चमिका करुणरत्ने,दासुन शनका र धनन्जय डा शिल्भाले समान एक एक विकेट लिए । 

दुई टोली बीचको दोस्रो एकदिवसीय बिहिबार रहेको छ ।