स्विट्जरल्यान्डलाई हराउँदै ब्राजिल नकआउट चरणमा

काठमाडौं । ब्राजिल कतारमा जारी फिफा विश्वकप फुटबलको राउण्ड अफ १६ मा प्रवेश गरेको छ ।

सोमबार राति भएको खेलमा स्विट्जरल्यान्डलाई १-० गोल अन्तरले हराउँदै ब्राजिल नकआउट चरणमा पुगेको हो ।

ब्राजिललाई जित दिलाउन कासिमिरोले निर्णायक गोल गरे । 

उनले खेलको ८३ औं मिनेटमा निर्णायक गोल गरे ।

त्यसअघि ६४ औं मिनेटमा भिनिसियस जुनियरले गोल गरेका थिए ।

तर, भीएआरको सहायताले उनको गोललाई अफसाइड दिईएको थियो ।

यस जितसँगै ब्राजिलले २ खेलमा २ जितसहित ६ अंक जोडेको छ ।

समूह 'जी' को ब्राजिल शीर्ष स्थानमा रहेको छ ।

स्विट्जरल्यान्ड २ खेलमा ३ अंक जोडेर दोस्रो स्थानमा रहेको छ ।