विश्वकप खेल्ने फ्रान्सको टिम घोषणा

काठमाडौं । कतारमा आयोजना हुने फिफा विश्वकप फुटबलका लागि फ्रान्सले टिम घोषणा गरेको छ ।

साविक विजेता फ्रान्सले बुधबार विश्वकपका लागि २५ सदस्सीय टोलीको घोषणा गरेको हो ।

फ्रान्सले घोषणा गरेको टोलीमा डिफेन्डर राफायल भरान अटाएका छन् ।

गोलकिपर ह्युगो लोरिसले चौंथो पटक फ्रान्सको विश्वकप टोलीमा स्थान बनाएका छन् ।

करिम बेन्जिमा र केलियन एमबाप्पे टोलीमा छन् ।

कतार विश्वकप नोभेम्बर २० बाट सुरु हुनेछ ।

विश्वकपमा फ्रान्स समूह 'डी' मा रहेको छ ।

फ्रान्सले नोभेम्बर २२ मा अष्ट्रेलियासँग खेल्दै विश्वकपको सुरुआत गर्नेछ ।