बराबरीमा रोकियो मिलान

काठमाडौं । इटालियन सिरी ए फुटबलमा एसी मिलान बराबरीमा रोकिएको छ ।

मंगलबार राति भएको खेलमा मिलानले क्रेमोनिससँग गोलरहित बराबरी खेलेको हो ।

खेलमा मिलानका डिभोक ओरिगीले ५६ औं मिनेटमा गोल गरेका थिए ।

तर, भीएआरले उनको गोललाई अफसाइड दिएको थियो ।

त्यसबाहेक मिलानले अन्य गोलको अवसरलाई सदुपयोग गर्न सकेन र अंक बाड्न बाध्य बन्यो ।

यस बराबरीसँगै मिलानले १४ खेलमा ३० अंक जोडेको छ ।

मिलान दोस्रो स्थानमा रहेको छ ।

क्रेमोनिस ७ अंक जोडेर १८ औं स्थानमा रहेको छ ।