एभर्टन बाहिरियो, लेस्टर अर्को चरणमा

काठमाडौं । एभर्टन काराबाओ कपको तेस्रो चरणबाट बाहिरिएको छ ।

मंगलबार राति भएको खेलमा बर्नेमाउथसँग ४-१ ले पराजित हुँदै एभर्टन बाहिरिएको हो ।

बर्नेमाउथको जितमा जमल लोवे,जुनियर स्टानलास,इमिलियानो मार्कोन्डेस र जयडोन एन्थोनीले गोल गरे ।

एभर्टनका डेमाराई ग्रेले एक गोल फर्काए ।

यस जितसँगै बर्नेमाउथले राउण्ड अफ १६ मा स्थान बनाएको छ ।

अर्को खेलमा लेस्टर सिटीले न्युपोर्ट काउन्टीलाई ३-० ले हराएको छ ।

लेस्टरको जितमा जेमी भार्डीले दुई गोल गरे । जस्टिनले एक गोल थपे ।

लेस्टर राउण्ड अफ १६ मा प्रवेश गरेको छ ।