बेल नायक बन्दा लस एन्जलसलाई उपाधि

काठमाडौं । लस एन्जलस एफसीले अमेरिकाको मेजर लिग सकर एमएलएस कपको उपाधि जितेको छ ।

आइतबार बिहान फिलाडेल्फिया युनियनलाई पेनाल्टी सुटआउटमा ३-० गोल अन्तरले हराउँदै लस एन्जलसले उपाधि जितेको हो ।

लस एन्जलसको यो पहिलो उपाधि हो ।

खेलको निर्धारित र थपिएको अतिरिक्त समय ३-३ गोलको बराबरीमा सकिएपछि खेल पेनाल्टी सुटआउटमा गएको थियो ।

पेनाल्टीमा लस एन्जलसका सान्चेज, रायन र डेनिसले गोल गरे । क्रिस्टियनले गोल गर्न सकेनन् ।

युनियनका काइ वाग्नेर, जोसे मार्टिनेज र डानिल पेनाल्टीमा चुके ।

पेनाल्टी अघि युनियनका ज्याक इलिओटले दुई तथा डानिलले एक गोल गरेका थिए ।

लस एन्जल्सका ग्यारेथ बेल, एकोस्टा र जिससले गोल गरेका थिए ।

बेलले खेलको अन्तिम मिनेटमा गोल गर्दै लस एन्जल्सलाई बराबरीमा फर्काएका थिए ।