न्युक्यासल उपाधिको दाबेदार : ग्वार्डिओला

काठमाडौं । म्यानचेस्टर सिटीका प्रशिक्षक पेप ग्वार्डिओलाले न्युक्यासल प्रिमियर लिगको उपाधि दाबेदार क्लब रहेको बताएका छन् । सिटी लगातार तीन पटक प्रिमियर लिगको उपाधि जित्ने योजनामा छ । ग्वार्डिओलाले न्युक्यासललाई लिगका ६ ठुला क्लब मध्य एक मानेका छन्, जसले उनको उपाधिको यात्रामा बाधा पुर्याउन सक्छ । 

सिटी लिग उपाधिका ह्याट्रिक पाँचौ क्लबको रुपमा सहज स्थितमा छ । यसअघि आर्सनल, हुडर्सफिल्ड, लिभरपुल र म्यानचेस्टर युनाईटेडले यस उपलब्धि हात पारि सकेका छन् । 

पछिल्लो हप्ता फुलहमलाई पराजित गरेपछि सिटी प्रिमियर लिगको शीर्ष स्थानमा उक्लिएको थियो । उसले २४ घण्टाका लागि भएपनि आर्सनललाई पछि पारेको थियो । सिटी प्रशिक्षक ग्वार्डिओला भने यसलाई हल्का रुपमा लिने पक्षमा छैनन् । बार्सिलोना र बायर्न म्युनिखका पूर्व प्रशिक्षक अझैपनि उपाधिका लागि धेरै चुनौती देखिरहेका छन् ।

उनले लिभरपुलले समेत चुनौती दिन सक्ने बताउँछन् । लिभरपुल अझै सिटी र न्युक्यासल भन्दा १३ अंकले पछि छ । 
न्युक्यासल प्रिमियर लिगको चौथो स्थानमा छ । केही वर्षअघि साउदी अरबले यसको स्वामित्व लिएपछि प्रिमियर लिगको न्युक्यासलको प्रभाव बढ्न थालेको छ ।

‘न्युक्यासलसँग राम्रो प्रशिक्षक र शीर्ष स्तरका खेलाडी छन् ।’ ग्वार्डिओलाले भने, ‘मलाई लाग्छ, उनीहरु लामो समयसम्म रहनेछन् ।’

‘उनीहरु शारीरिक रुपमा बक्स टु बक्स जान र बल बिनै तिव्रताका साथ अघि बढ्न प्रभावशाली देखिन्छन् ।’ उनले भने, ‘उनीहरु युरोपमा खेलिरहेका छैनन् । त्यो ठुलो फाइदा हो । उनीहरु गत महिना पुरा शक्तिका साथ आउन सके ।’ 
ग्वार्डिओलाले शीर्ष स्थानको आर्सनललाई लिगको मुख्य दाबेदार रहेको बताए । त्यसपछि उनले चेल्सी, टोटेनहम, म्यानचेस्टर युनाईटेड, न्युक्यासल र लिभरपुललाई उपाधिका थप दाबेदार क्लबको रुपमा ब्याख्या गरे । 

गत महिना इतिहादमा पराजित गरेपछि ग्वार्डिओलाले युनाईटेड र टोटेनहमलाई एक कदम अघि निस्किएको मान्छन् । सिटी प्रशिक्षक अझैपनि लिभरपुल उपाधि होडमा फर्कन सक्ने विश्वास राख्छन् । 

‘उनीहरुसँग सोही टिम र म्यानेजर छन् । जसले १८ खेल लगातार जितेका छन् । उनीहरु यसलाई पुन किन गर्न सक्दैनन् ?’ ग्वार्डिओलाले प्रश्न गरे ।