पीएम कप : दुई खेल हुँदै

काठमाडौं । पीएम कप एकदिवसीय पुरुष क्रिकेट प्रतियोगिता आज शुक्रबार दुई खेल हुँदैछन् ।

कीर्तिपुरस्थित टियु क्रिकेट मैदान र मुलपानी मैदानमा शुक्रबार एक एक खेल हुँदै छन्।

टियु क्रिकेट मैदानमा हुने खेलमा सुदुरपश्चिम प्रदेश र त्रिभुवन आर्मी क्लबबीच प्रतिस्पर्धा हुनेछ । खेल बिहान ९:३० बजे सुरु हुनेछ ।

सुदुर र आर्मी दुवै पहिलो जितको खोजीमा रहेका छन् ।

मुलपानी मैदानमा हुने खेलमा गण्डकी प्रदेश र नेपाल एपीएफ क्लब बीच प्रतिस्पर्धा हुनेछ । यस खेल पनि बिहान ९:३० बजे सुरु हुनेछ।

एपीएफ र गण्डकी दुबै तेस्रो जितको खोजीमा रहेका छन् ।

प्रतियोगितामा १० टोलीको सहभागिता रहेको छ । क्यानले १० टोलीलाई दुई समूहमा विभाजन गरेको छ ।

हरेक समूहको शीर्ष दुई टोलीले सेमिफाइनलमा स्थान बनाउने छन् ।

प्रतियोगिताको विजेताले १० लाख नगद पुरस्कार पाउने छन्। यस्तै उपविजेताले ५ लाख पाउने छन् । सेमिफाइनलमा पुग्ने टोलीले ५० हजार पाउने छन् ।

त्यस्तै उत्कृष्ट खेलाडीले ५० हजार, उत्कृष्ट बलर र ब्याट्सम्यानले २० हजार तथा इमर्जिङ प्लेयरले १० हजार पाउने छन्।