आर्सनल नकआउट चरणमा

काठमाडौं । इंग्लिस क्लब आर्सनल युरोपा लिग फुटबलको राउण्ड अफ १६ मा प्रवेश गरेको छ ।

बिहीबार राति भएको खेलमा एफसी जुरिचलाई १-० गोल अन्तरले हराउँदै आर्सनल नकआउट चरणमा पुगेको हो ।

आर्सनलको जितमा किइरन टिएरनीले निर्णायक गोल गरे ।

उनले खेलको १७ औं मिनेटमा गोल गरेका थिए ।

जितसँगै आर्सनलले ६ खेलमा १५ अंक जोड्यो ।

आर्सनल समूह 'ए' को शीर्ष स्थानमा रहदै नकआउट चरणमा पुगेको हो ।

जुरिच ३ अंक जोडेर समूहको पुछारमा रह्यो ।