मधेशले दियो प्रदेश-१ लाई २१५ रनको लक्ष्य

काठमाडौं । पीएम कप एकदिवसीय पुरुष क्रिकेट प्रतियोगितामा मधेश प्रदेशले प्रदेश-१ लाई जितका लागि २ सय १५ रनको लक्ष्य दिएको छ ।

मुलपानी क्रिकेट मैदानमा टस हारेर पहिले ब्याटिङ गरेको मधेशले ४८ ओभर १ बलमा अलआउट हुँदै २ सय १४ रन बनायो ।

मधेशका लागि अनिल शाहले ६१ रनको अर्धशतकीय इनिङ खेले । विवेक यादवले ३२ रन जोड्दा रुपेश सिंहले ३० रन बनाए ।

रोहन बिकले २८ रन जोडे भने कप्तान हरिशंकर शाहले १५ रन बनाए ।

प्रदेश-१ का फिर्दोश अन्सारीले ५ विकेट लिए । सिदान्त लोहनीको नाममा ३ विकेट रह्यो ।