एएफसी यू-२० महिला एसियन कप छनोट : नेपाल समूह 'बी' मा

काठमाडौं । एएफसी यू-२० महिला एसियन कप छनोटको पछिलो चरणमा नेपाल समूह 'बी' मा परेको छ ।

एएफसीले बिहीबार सार्वजनिक गरेको 'ड्र' अनुसार नेपाल समूह 'बी' मा परेको हो ।

नेपालको समूहमा युएई, प्यालेस्टाइन र नर्दन मारियाना आइसल्याण्ड रहेको छ ।

यस समूहको छनोट खेल प्यालेस्टाइनमा हुनेछ ।  छनोट मार्च ४ देखि  १२ सम्म हुनेछ ।

छनोटमा सहभागी आठ टोलीका समूह विजेताले छनोटको दोस्रो चरणमा स्थान बनाउने छन् ।

दोस्रो चरण जुन ३ देखि ११ सम्म हुनेछ । जसबाट उत्कृष्ट ४ टोलीले उज्वेकिस्तानमा हुने यू-२० महिला एसियन कप खेल्नेछ ।

उज्वेकिस्तानमा हुने यू-२० महिला एसियन कप २०२४ को मार्च ३ देखि १६ सम्म हुनेछ ।  यू-२० महिला एसियन कपमा १६ टोलीले प्रतिस्पर्धा गर्ने छन् ।