काठमाडौं । च्याम्पियन्स लिग फुटबलमा इंग्लिस क्लब म्यानचेस्टर सिटीले सहज जित निकालेको छ ।
बुधबार राति भएको खेलमा सिटीले स्पेनिस क्लब सेभियालाई ३-१ गोल अन्तरले हराएको हो ।
खेलको ३१ औं मिनेटमा राफा मिरले गोल गर्दै सेभियालाई सुरुआती अग्रता दिलाएका थिए ।
तर, ५२ औं मिनेटमा रिको लेविसले गोल गर्दै सिटीलाई १-१ गोलको बराबरीमा ल्याए ।
यससँगै रिको च्याम्पियन्स लिगको इतिहासमा सर्वाधिक कम उमेरमा गोल गर्ने खेलाडी बने ।
रिकोले १७ वर्ष ३४६ दिनको हुँदा गोल गरेका हुन् ।
खेलको ७३ औं मिनेटमा जुलियन अल्भारेजले गोल गर्दै सिटीलाई २-१ को अग्रता दिलाए ।
त्यसपछि खेलको ८३ औं मिनेटमा रियाद महरेजले गोल गर्दै सिटीलाई ३-१ को जित दिलाए ।
जितसँगै सिटी समूह 'जी' को समूह विजेता बनेको छ ।
सिटीले ६ खेलमा १४ अंक जोड्यो ।
सेभिया ५ अंक जोडेर तेस्रो स्थानमा रह्यो ।
