गण्डकीद्वारा कर्णालीलाई २०९ रनको लक्ष्य

काठमाडौं । पीएम कप एकदिवसीय पुरुष क्रिकेट प्रतियोगितामा गण्डकी प्रदेशले कर्णाली प्रदेशलाई जितका लागि २ सय ९ रनको लक्ष्य दिएको छ ।

टियु क्रिकेट मैदानमा बुधबार टस हारेर पहिले ब्याटिङ गरेको गण्डकी प्रदेशले ५० ओभरमा ९ विकेट गुमाएर २ सय ८ रन बनायो ।

गण्डकीका लागि अभिषेक बस्नेतले ५१ रनको अर्धशतकीय इनिङ खेले ।

यस्तै अर्जुन कुमालले ४९ रन जोड्दा विधान श्रेष्ठले ४६ रन बनाए ।

सुबाश भण्डारी १४ रनमा आउट भए ।

कर्णालीका अनुज चुनाराले ४ विकेट लिए ।

प्रकाश जैसी र दिनेश अधिकारीले २ विकेट लिए ।