बागमतीद्वारा लुम्बिनीलाई १५५ रनको लक्ष्य

काठमाडौं । पीएम कप एकदिवसीय पुरुष क्रिकेट प्रतियोगितामा बागमती प्रदेशले जितका लागि लुम्बिनी प्रदेशलाई १ सय ५५ रनको लक्ष्य दिएको छ ।

मुलपानी क्रिकेट मैदानमा बुधबार टस जितेर पहिले ब्याटिङ गरेको बागमतीले ३८ ओभर १ बलमा अलआउट हुँदै १ सय ५४ रन बनायो ।

बागमतीका लागि कप्तान ज्ञानेन्द्र मल्लले सर्वाधिक ३३ रन बनाए ।

दुर्गेश थापाले ३२ रन जोड्दा अशुतोष घिरियाले २२ रन जोडे ।

सुर्य तामाङले १७ तथा प्रतिष जिसीले १५ रन बनाए ।

लुम्बिनीका अनिल खरेलले ४ विकेट लिए ।

अभिषेक गौतम र विशाल बिक्रम केसीले २/२ विकेट लिए ।