बराबरीमा रोकियो रियल

काठमाडौं । स्पेनिस ला लिगा फुटबलमा रियल मड्रिड बराबरीमा रोकिएको छ ।

आइतबार राति भएको खेलमा रियलले जिरोनासँग १-१ गोलको बराबरी खेलेको हो ।

घरेलु मैदानमा सुरुआती अग्रता जोगाउन नसक्दा रियल बराबरीमा रोकिएको हो ।

खेलको ७० औं मिनेटमा भिनीसियस जुनियरले गोल गर्दै रियललाई सुरुआती अग्रता दिलाएका थिए ।

तर, खेलको ८० औं मिनेटमा क्रिस्टियन स्टुआनीले गोल गर्दै जिरोनालाई १-१ गोलको बराबरीमा ल्याए ।

यस्तै खेलको इन्जुरी समयमा टोनी क्रुसले दोहोरो पहेलो कार्डसहित रातो कार्ड पाएपछि रियल १० खेलाडीमा समेटिएको थियो ।

घरेलु मैदानमा बराबरीमा रोकिएपनि रियल शीर्ष स्थानमा उक्लिएको छ ।

रियलले १२ खेलमा ३२ अंक जोडेको छ ।

जिरोना १० अंक जोडेर १६ औं स्थानमा रहेको छ ।