फराकिलो जित निकाल्दै आर्सनल शीर्ष स्थानमा

काठमाडौं ।  इंग्लिस प्रिमियर लिग फुटबलमा आर्सनलले फराकिलो जित निकालेको छ ।

आइतबार राति भएको खेलमा आर्सनलले नटिङघम फरेस्टलाई ५-० गोल अन्तरले हराएको छ ।

आर्सनलको जितमा रेइस नेल्सनले दुई गोल गरे ।

गाब्रियल मार्टिनेली, थोमस पार्टी र मार्टिन ओडेगार्डले एक एक गोल गरे ।

आर्सनलले खेलको पाँचौं मिनेटमा मार्टिनेलीको गोलबाट सुरुआती अग्रता बनाएको थियो ।

खेलको ४९ औं मिनेटमा नेल्सनले गोल गर्दै आर्सनललाई २-० को अग्रता दिलाए ।

नेल्सनले ५२ औं मिनेटमा व्यक्तिगत दोस्रो गोल गर्दा आर्सनलको अग्रता तेब्बर बन्यो ।

खेलको ५७ औं मिनेटमा थोमसले गोल गरेपछि आर्सनल ४-० ले अघि रह्यो ।

त्यसपछि खेलको ७८ औं मिनेटमा ओडेगार्डले गोल गर्दै आर्सनललाई ५-० को जित दिलाए ।

यस जितसँगै आर्सनल शीर्ष स्थानमा उक्लिएको छ ।

आर्सनलले १२ खेलमा ३१ अंक जोडेको छ ।

फरेस्ट ९ अंक जोडेर पुछारमा रहेको छ ।