पीएम कपका लागि मधेशको टिम घोषणा

काठमाडौं । पीएम कप पुरुष क्रिकेट प्रतियोगिताका लागि मधेश प्रदेशले टोली घोषणा गरेको छ ।

मधेशले शुक्रबार हरिशंकर साहको कप्तानीमा १४ सदस्सीय टोलीको घोषणा गरेको हो ।

मुख्य प्रशिक्षक सुनिल साहले घोषणा गरेको टोलीमा ४ खेलाडीलाई बैकल्पिकको रुपमा राखिएको छ ।

पीएम कप कात्तिक १३ देखि २६ गतेसम्म टियु र मुलपानी क्रिकेट मैदानमा हुनेछ ।

प्रतियोगितामा १० टोलीको सहभागिता रहनेछ । 

समूह ए मा नेपाल एपीएफ, त्रिभुवन आर्मी क्लब, कर्णाली प्रदेश, गण्डकी प्रदेश, सुदूरपश्चिम प्रदेश रहेको छ ।

समूह बी मा नेपाल पुलिस क्लब, बागमती प्रदेश, लुम्बिनी प्रदेश, मधेश प्रदेश, प्रदेश १ रहेको छ ।

प्रतियोगिताको उद्घाटन खेलमा एपीएफ क्लब र त्रिभुवन आर्मी क्लबबीच प्रतिस्पर्धा हुनेछ । उद्घाटन खेल टियु क्रिकेट मैदानमा हुनेछ ।

पहिलो दिन नै मुलपानी मैदानमा पुलिस क्लब र बागमती प्रदेशबीच खेल हुनेछ ।

हरेक समूहको शीर्ष दुई टोलीले सेमिफाइनलमा स्थान बनाउने छन् ।

मधेशको टोली -

हरिशंकर साह, विवेक यादव, सन्तोष कार्की,अनिल कुमार साह,रतन रौनक,दाब्लु मलिक,इमरान शेख, रोहन बिक,विशाल पटेल, रुपेश सिंह,राजेश यादव,आदील आलम,विशाल सुसिङ,प्रदिप पासवान

बैकल्पिक खेलाडी –

राकेश कमत, अविशेक तिवारी,अजय यादव,संसद अन्सारी