न्युजिल्याण्ड र अफगानिस्तानबीचको खेल रद्द  

काठमाडौं । आईसीसी टी-ट्वान्टी विश्वकप क्रिकेट अन्तर्गत न्युजिल्याण्ड र अफगानिस्तानबीचको खेल रद्द भएको छ ।

मेलबर्न क्रिकेट मैदानमा भारी वर्षाको कारण खेल रद्द भएको हो ।

खेल रद्द भएसँगै दुवै टोलीले एक एक अंक बाडेका छन् ।

समूह १ मा रहेको न्युजिल्याण्ड २ खेलमा ३ अंक जोडेर शीर्ष स्थानमा रहेको छ ।

अफगानिस्तान १ अंक जोडेर पुछारमा रहेको छ ।

यस अघि वर्षाकै कारण आयरल्याण्ड र इंग्ल्यान्डबीचको खेल प्रभावित गरेको थियो ।