लाइपजिगसँग रियलको हार  

काठमाडौं । स्पेनिस क्लब रियल मड्रिड च्याम्पियन्स लिग फुटबलमा पराजित भएको छ ।

समूह चरण अन्तर्गत मंगलबार राति रियललाई जर्मन क्लब आरबी लाइपजिगले ३-२ गोल अन्तरले हराएको हो ।

खेलको १३ औं मिनेटमा जोस्कोले गोल गर्दै लाइपजिगलाई सुरुआती अग्रता दिलाएका थिए ।

१८ औं मिनेटमा क्रिस्टोफर एनकुकूले गोल गर्दै लाइपजिगलाई २-० को अग्रता दिलाए ।

खेलको ४४ औं मिनेटमा भिनिसियस जुनियरले गोल गर्दै रियललाई २-१ को स्थितिमा ल्याए ।

खेलको ८१ औं मिनेटमा टिमो वेर्नेरले गोल गर्दै लाइपजिगलाई ३-१ को अग्रता दिलाए ।

त्यसपछि खेलको इन्जुरी समयमा रोड्रिगोले पेनाल्टीमा गोल गरेपनि रियल ३-२ ले पराजित भयो ।

यस जितसँगै लाइपजिगले ५ खेलमा ९ अंक जोडेको छ ।

लाइपजिग समूह एफको दोस्रो स्थानमा रहेको छ ।

रियल १० अंक जोडेर शीर्ष स्थानमा रहेको छ ।

रियल नकआउट चरणमा प्रवेश गरिसकेको छ  ।