रोनाल्डो चेल्सी जाने सक्ने !

काठमाडौं । क्रिस्टियानो रोनाल्डोको नयाँ गन्तव्य लण्डन क्लब चेल्सी हुन सक्ने देखिएको छ । 

इङ्लिस मिडियाले चेल्सीका नयाँ मालिक टोड बोहलीले रोनाल्डोलाई आगामी जनवरीमा अनुबन्ध गर्न सक्ने बताएका छन् ।

चेल्सीका मालिक बोहलीको रोनाल्डोका एजेन्ट जर्ज मेन्डिससँग राम्रो सम्बन्ध रहेको बताईन्छ । उनी म्यानचेस्टर युनाईटेडका ३७ वर्षिया फरवार्डलाई अनुबन्धन गर्न पनि चाहेका छन् । उनले क्लब किन्ने बित्तिकै रोनाल्डोलाई क्लबमा अनुबन्ध गर्न चाहेका थिए । तर तत्कालिन प्रशिक्षक थोमस टुचेलले रोनाल्डो ल्याउने विषयमा फरक मत राखेका थिए ।

केही खेलमा खराब नतिजका कारण बोहलीले टुचेललाई क्लबबाट बर्खास्त गरेका थिए । रोनाल्डोका विषयमा चेल्सीका नयाँ प्रशिक्षक ग्राहम पोटरल धारणा भने बाहिर आउन बाँकी छ ।  

अमेरिकन बिलिनियर बोहली आगामी जनवरीमा रोनाल्डोलाई अनुबन्ध गर्ने इच्छा देखाएका छन् । म्यानचेस्टर युनाईटेडसँगको खराब सम्बन्धका कारण रोनाल्डोले पनिज जनवरीमै ओल्डट्राफोर्ड छोड्न सक्ने बताईएको छ ।
युनाईटेडका प्रशिक्षक इरिक टेन हागले खेल सकिनु अघिनै खेलाडी बक्स छाडेर निस्किएका रोनाल्डोले वैकल्पिक खेलाडीको रुपमा मैदान छिर्न अस्विकार गरेको बताएका थिए । सोही कारण उनले रोनाल्डोलाई टिम बाहिर राख्दै आएका छन् । 

रोनाल्डो गत समरबाटै ट्रान्सफर मार्केटमा उपलब्ध छन् । तर कुनैपनि क्लब उनलाई अनुबन्धन गर्न चाहेका छ्रैनन् । रोनाल्डोले जनवरीमा ओल्डट्राफोर्ड छाड्ने आँकलन गरिएको छ । अधिकांश समय बेन्चमै बस्न परेपछि रोनाल्डो युनाईटेडमा खुसी छैनन् । 

रोनाल्डोको अनुपस्थितीमा युनाईटेडले टोटेनहमविरुद्ध सिजनकै उत्कृष्ट खेल प्रर्दशन गर्दै २–० को जित निकालेको थियो । अझ रोनाल्डो टिम बाहिर भएको खेलमा युनाईटेडले चेल्सीसँग १–१ गोलको बराबरी खेलेको थियो । रोनाल्डोको खस्कदो प्रर्दशनका कारण प्रशिक्षक टेन हागले उनलाई बेन्चमा राख्दै आएका छन् । खस्कदो उमेर र प्रर्दशन तथा महङ्गो तलबका कारण रोनाल्डो अनुबन्ध गर्न युरोपका ठुला क्लबलाई पनि सजिलो छैन ।