काठमाडौं । फ्रान्सेली खेलाडी तथा बायर्न म्युनिखको विङ्गर फ्रेन्क रिबेरीले फुटबलबाट सन्यास लिएका छन् । ३९ वर्षका रिबेरीले घुडाँमा समस्या बल्झिएपछि सिरि ए क्लब सोलेर्निटानासँग आफ्नो सम्झौतालाई समाप्त गर्ने निर्णय लिएका हुन् र सन्यासको बाटो रोजेका हुन् ।
जर्मन क्लब बायर्न म्युनिखका लिजेन्ड रिबेरीले ४ सय २५ खेलमा १ सय २४ गोल र १ सय ८२ गोलको अवसर सिर्जना गरेका थिए । उनी सन् २००७ देखि २०१९ सम्म बायर्न म्युनिखबाट खेले । उनले बायर्नबाट च्याम्पियन्स लिग सहित ९ वटा बुन्डेसलिगा उपाधि चुमे ।
‘बल रोकिएको छ । यो साहसिक यात्राका लागि सबैलाई धन्यबाद ।’ रिबेरले लेखेका छन् ।
पछिल्लो समरमा उनी सालेर्निटाना जानु अघि फियोरेन्टिनामा अनुबन्ध भएका थिए । उसले क्लबलाई एक अंकमा रेलिगेशन जोगाउन मदत गरेका थिए । तर उनी रोमासँग पराजित बनेको पहिलो खेलमा खेल्न पाएनन् । उनको सन्यासको चर्चा पछिल्ला केही हप्तादेखि लगातार आईरहेको थियो ।
उनी सन् २००७ मा मार्सेलीबाट बायर्न आएका थिए, १७ मिलियन पाउण्डमा । सन् २००६ को विश्वकपमा उपविजेता बनेको टिमका सदस्य रहेका रिबेरी लगत्तै जर्मन क्लब आएका थिए ।
तीन पटक फ्रेन्च वर्ष खेलाडी बनेका उनले ८१ क्याप जित्दै १६ गोल र २५ गोलको अवसर सिर्जना गरेका छन् । सन् २०१४ मा चोटका कारण टिममा नपरेपछि रिबेरीले अन्तराष्ट्रिय फुटबलबाट सन्यासको घोषणा गरेका थिए । उनले १२ वर्ष जर्मन क्लब बायर्नमा सफल फुटबल करियर बिताए ।
