युभेन्ट्सको फराकिलो जित

काठमाडौं । इटालियन सिरी ए फुटबलमा युभेन्ट्सले जित निकालेको छ ।

शुक्रबार बिहान भएको खेलमा युभेन्ट्सले इम्पोलीलाई ४-० गोल अन्तरले हराएको हो ।

खेलको आठौं मिनेटमा मोइस किनले गोल गर्दै युभेन्ट्सलाई सुरुआती अग्रता दिलाएका थिए ।

खेलको ५५ औं मिनेटमा वेस्टन म्याककेनीले गोल गर्दै टिमको अग्रता २-० को बनाए ।

खेलको ८२ औं मिनेटमा एड्रीन राबिओटले गोल गर्दै युभेन्ट्सलाई ३-० को अग्रता दिलाए।

त्यसपछि खेलको इन्जुरी समयमा राबिओटले गोल गर्दै युभेन्ट्सलाई ४-० को जित दिलाए ।

जितसँगै युभेन्ट्सले ११ खेलमा १९ अंक जोडेको छ ।

युभेन्ट्स सातौं स्थानमा रहेको छ ।

इम्पोली ११ अंक जोडेर ११ औं स्थानमा रहेको छ ।