नवौं राष्ट्रिय : महिला फुटबलमा एपीएफले गण्डकीलाई हरायो  

पोखरा । नवौं राष्ट्रिय खेलकुद अन्तर्गत सोमबार एपीएफ क्लबले जित निकालेको छ ।

वालिङमा भएको खेलमा एपीएफले आयोजक गण्डकी प्रदेशलाई ५-० गोल अन्तरले पराजित गरेको हो ।

एपीएफको जितमा रन्जना दर्जी र अनिता केसीले २/२ गोल गरिन् । सरु लिम्बुले एक गोल थपिन ।

यस्तै सोमबार वालिङमा भएको दोस्रो खेलमा प्रदेश नम्बर १ ले कर्णाली प्रदेशलाई ६–० गोल अन्तरले पराजित गरेको छ ।
खेलको ५ औँ मिनेटमा प्रदेश १ की अनिता गुरुङले पहिलो गोल गरिन भने २२ औँ मिनेटमा प्रतिक्षा राईले दोस्रो गोल गरिन ।
खेलको दोस्रो हाफको ८४ औँ मिनेटमा तिर्था कुमारी लिम्बुले तेस्रो गोल गरिन भने लगत्तै ८५ औँ  मिनेटमा अन्जना थुलुराईले चौथो गोल गरिन ।
खेलको ८७ औँ मिनेटमा ममता राउतले पाँचौ गोल गरिन भने एडिसनल समयमा थप गरिएको ३ मिनेटमा पुनः अन्जना थुलुङरार्ईले छैटौँ गोल गरिन् ।
हाल सम्म मधेश प्रदेश, वाग्मती प्रदेश, गण्डकी प्रदेश, लुम्बीनी प्रदेश, सुदुरपश्चिम प्रदेश र कर्णाली प्रदेश खेलबाट बाहिरिएका छन् ।
मंगलबारको पहिलो खेलमा नेपाल पुलिस क्लब र प्रदेश नम्बर एक, दोस्रो खेलमा त्रिभुवन आर्मी क्लब र एपिएफ क्लब विच प्रतिस्पर्धा हुनेछ ।