काठमाडौं । घरेलु टोली भारतले दक्षिण अफ्रिकाविरुद्धको एकदिवसीय सिरिज २-१ ले जितेको छ ।
दिल्लीमा मंगलबार भएको तेस्रो तथा निर्णायक खेलमा घरेलु टोलीले ७ विकेटको जित हात पार्दै सिरिज आफ्नो बनाएको हो ।
दक्ष्णि अफ्रिकाले दिएको १ सय रनको समान्य लक्ष्य भारतले १९ ओभर १ बलमा ३ विकेट गुमाएर पूरा गर्यो । भारतको जितमा शुबमन गिलले ४९ तथा श्रेयस आयरले अविजित २८ रन बनाए ।
ईशान किसनले १० तथा कप्तान शिखर धवनले ८ रन बनाए । दक्षिण अफ्रिकाका लागि फोर्ट्युन र लुंगी एनजिडीले समान १/१ विकेट लिए।
त्यसअघि पहिले ब्याटिङ गरेको दक्षिण अफ्रिकाले २७ ओभर १ बलमा अलआउट हुनु अघि ९९ रन बनाएको थियो । उसका लागि हेन्रिच क्लासेनले ३४ तथा जानेमन मलानले १५ रन बनाएका थिए । मार्को यान्सनले १४ रन बनाए । उसका अन्य ब्याटरले दोहोरो अंकको रन बनाउन सकेनन् ।
भारतका लागि कुलदिप यादवले ४ तथा शाहबाज अहमद,मोहम्मद सिराज र वासिङ्गटन सुन्दरले समान २/२ विकेट लिए ।
-1752310813.jpeg)
-1752288200.webp)
