वाल्करले विश्वकप गुमाउन सक्ने 

काठमाडौं ।  इंग्ल्यान्डका डिफेन्डर केली वाल्करले कतार विश्वकप गुमाउने सम्भावना बढेको छ ।

चोटको कारण वाल्करले कतारमा आयोजना हुने विश्वकप गुमाउने सम्भावना बढेको हो ।  

३२ वर्षीय म्यानचेस्टर सिटीका डिफेन्डर वाल्करले प्रिमियर लिग अन्तर्गत म्यानचेस्टर युनाईटेडविरुद्धको खेलमा चोट बोकेका थिए  । उक्त खेलमा सिटी ६-३ ले विजयी भएको थियो ।

 वाल्करले इंग्ल्यान्डका लागि ७० खेल खेलिसकेका छन् ।

कतार विश्वकप आगामी नोभेम्बर २० देखि डिसेम्बर १८ सम्म आयोजना हुँदैछ ।

विश्वकपमा सहभागिता जनाउने सबै ३२ राष्ट्रको टुंगो लागिसकेको छ ।

इंग्ल्यान्डले इरानविरुद्ध खेल्दै विश्वकपको सुरुआत गर्नेछ ।