अल्ट्रा धाविका हुमिलाई हङकङमा स्वर्ण  

काठमाडौं । नेपालकी अल्ट्रा धाविका हुमि बुढा मगरले हङकङमा सम्पन्न एफटिजीआर समिट्स ट्रेल च्यालेन्ज अन्तर्गत ५० किमिको सोलो दौडमा स्वर्ण जितेकी छिन् ।

शनिबार भएको दौडमा हुमिले निर्धारित दुरी ७ घण्टा ८ मिनेटमा पुरा गर्दै स्वर्ण जितेकी हुन् । उनले हङकङकी खेलाडीलाई पछि पार्दै उपाधि जितेकी हुन् । यस स्पर्धामा जापानका खेलाडीले कास्य हात पारेका छन् ।

यो उपाधिसंगै हुमिले जापानमा हुने अल्ट्रा दौडमा समेत सहभागिता जनाउन पाउने भएका छन् । उक्त दौड आगामी जुलाई २१ मा हुनेछ ।