फ्रान्सको पहिलो जित

काठमाडौं । यूईएफए नेसन्स लिग फुटबलमा फ्रान्सले पहिलो जित निकालेको छ ।

समूह चरण अन्तर्गत बिहीबार राति अष्ट्रियालाई २-० गोल अन्तरले हराउँदै फ्रान्सले पहिलो जित निकालेको हो ।

फ्रान्सको जितमा केलियन एमबाप्पे र ओलिभर जेरुडले एक एक गोल गरे ।

खेलको ५६ औं मिनेटमा एमबाप्पेले गोल गर्दै फ्रान्सलाई सुरुआती अग्रता दिलाएका थिए ।

त्यसपछि ६५ औं मिनेटमा जेरुडले गोल गर्दै फ्रान्सलाई २-० को जित दिलाए ।

जेरुड फ्रान्सका लागि सर्वाधिक बढी उमेरका गोलकर्ता बनेका छन् ।

जेरुडले ३५ वर्ष ३५७ दिनको उमेरमा फ्रान्सका लागि गोल गरेका हुन् । यस अघि कीर्तिमान बनाएका रोजर मार्चे भन्दा ७० दिन बढी उमेरमा जेरुडले गोल गरेका हुन् ।

यस जितसँगै फ्रान्सले ५ खेलमा ५ अंक जोडेको छ ।

लिग ए समूह १ को फ्रान्स समूहको तेस्रो स्थानमा रहेको छ ।

अष्ट्रिया ४ अंक जोडेर पुछारमा रहेको छ ।