रुमेश र अमिर अष्ट्रेलियातर्फ

काठमाडौं । नेपालका दुई फुटबलर रुमेश बर्तौला र अमिर श्रेष्ठ सुरक्षित भविश्यको खोजीमा विदेशिएका छन् ।

मिडफिल्डर रुमेश र अमिर सुरक्षित भविश्यको लागि बिहीबार अष्ट्रेलिया प्रस्थान गरेका छन् ।

नेपालमा फुटबल गतिविधि अनिश्चित बनिरहेको बेला दुई खेलाडी विदेशिएका हुन्।

गत वर्षको ए डिभिजन लिगमा रुमेशले च्यासल युथ क्लब र अमिरले जावलाखेल युथ क्लबबाट खेलेका थिए ।

पछिल्लो समय नेपालका फुटबलरहरु अष्ट्रेलिया पलायनको लर्को लागेको छ ।

यस अघि राष्ट्रिय टोलीका सदस्य दर्शन गुरुङ, सन्तोष तामाङ, सुमन लामा र आशिष लामा अष्ट्रेलिया पुगिसकेका छन्।