यू-१७ राष्ट्रिय फुटबल टिममा निजगढका समीर  

नवराज चौलागाई

निजगढ । यू-१७  नेपाली राष्ट्रिय फुटबल टिममा निजगढका समीर तामाङ समावेश भएका छन् ।

मुख्य प्रशिक्षक उर्जन श्रेष्ठले आइतबार घोषणा गरेको २४ सदस्यीय टोलीमा निजगढका फरवार्ड समीर अटाएका हुन् ।

श्रेष्ठले  श्रीलंकामा आयोजना हुने साफ यू-१७ पुरुष च्याम्पियनसिप र भियतनाममा हुने एएफसी यू-१७ एसियन कप छनोटका लागि टिम घोषणा गरेका हुन् ।  

समीर निजगढ फुटबल क्लबका उत्पादन हुन् ।

क्लबले ग्रासरुट स्तरबाट संचालन गरेको नियमित प्रशिक्षणको कारण खेलाडी उत्पादनमा क्लब सफल हुँदै गएको क्लबका प्रशिक्षक सन्तोष गुरुङले जानकारी दिए ।

उमेर समूहको राष्ट्रिय टिममा बाराका खेलाडीहरुले निरन्तर स्थान बनाईरहेका छन् ।

यस अघि एएफसी यू-२० एसियन कप छनोटका लागि नेपाली टोलीमा बाराबाट गोलकिपर युनेस चौधरी,डिफेन्स अजय चौधरी र मिडफिल्डर जन्मजय धामी परेका छन् ।