डिफेन्डर कुन्डे ला लिगामा दर्ता

काठमाडौं । बार्सिलोनाका फ्रान्सेली डिफेन्डर जुल्स कुन्डे स्पेनिस ला लिगामा दर्ता भएका छन् ।

कुन्डे यसै समरमा सेभियाबाट बार्सिलोनामा अनुबन्धित भएका हुन् ।

तर, फाइनान्सियल फेयर प्लेको कडाईको कारण बार्सिलोनाले उनलाई दर्ता गर्न सकेको थिएन । 

अब भने उनले बार्सिलोनाका लागि ला लिगा खेल्न पाउने छन् ।

उनी आइतबार भालाडोलिटविरुद्ध हुने खेलमा उपलब्ध हुने छन् ।   

२३ वर्षीय डिफेन्डरले बार्सिलोनासँग ५ वर्षको सम्झौता गरेका छन् ।

सेन्टर ब्याक जुलेस सन् २०१९ मा फ्रेन्च क्लब बोर्डूअक्सबाट सेभिया आएका थिए ।

सेभियाका लागि उनले युरोपा लिगको उपाधि जितेका थिए ।

फ्रान्सका लागि उनले ११ खेल खेलिसकेका छन् ।