युभेन्ट्स र रोमाको बराबरी

काठमाडौं ।  इटालियन सिरी ए फुटबलमा युभेन्ट्स र रोमाले बराबरी खेल्दै अंक बाडेका छन् ।

शनिबार राति भएको खेलमा युभेन्ट्स र रोमाले १-१ गोलको बराबरी खेलेका हुन् ।

प्रतिस्पर्धात्मक खेलमा सुरुआती अग्रता भने युभेन्ट्सले बनाएको थियो ।

खेलको दोस्रो मिनेटमा डुसन भाल्होभिचले गोल गर्दै युभेन्ट्सलाई सुरुआती अग्रता दिलाएका थिए ।

तर, खेलको ६९ औं मिनेटमा टामी अब्राहमले गोल गर्दै रोमालाई हारबाट जोगाए ।

त्यसअघि खेलको २५ औं मिनेटमा युभेन्ट्सका लोकाटेलीको गोलले मान्यता पाएन । भीएआरमा उनको गोल अफसाइड देखिएको थियो ।

यस बराबरीसँगै युभेन्ट्सले ३ खेलमा ५ अंक ओडेको छ ।

युभेन्ट्स छैटौं स्थानमा रहेको छ ।

रोमा ७ अंक जोडेर तेस्रो स्थानमा रहेको छ ।