आर्सनलको लगातार चौंथो जित

काठमाडौं ।  इंग्लिस प्रिमियर लिग फुटबलमा आर्सनलले लगातार चौंथो जित निकालेको छ ।

शनिबार राति भएको खेलमा फुलहमलाई २-१ ले हराउँदै आर्सनलले लगातार चौंथो जित निकालेको हो ।

घरेलु मैदानमा आर्सनललाई जित दिलाउन मार्टिन ओडेगार्ड र गाब्रियल मागलहेसले एक एक गोल गरे ।

फुलहमका एलेकसान्दर मिट्रोभिचले एक गोल फर्काए ।

खेलमा सुरुआती अग्रता भने फुलहमले बनाएको थियो ।

५६ औं मिनेटमा मिट्रोभिचले गोल गर्दै फुलहमलाई अग्रता दिलाएका थिए ।

तर, खेलको ६४ औं मिनेटमा ओडेगार्डले गोल गर्दै आर्सनललाई १-१ को बराबरीमा ल्याए ।

त्यसपछि खेलको ८५ औं मिनेटमा गाब्रियलले गोल गर्दै आर्सनललाई २-१ को जित दिलाए ।

यस जितसँगै आर्सनल शीर्ष स्थानमा उक्लिएको छ ।

आर्सनलले ४ खेलमा १२ अंक जोडेको छ ।

फुलहम ५ अंक जोडेर ११ औं स्थानमा रहेको छ ।