इसाक न्युकासलमा अनुबन्धित

काठमाडौं । प्रिमियर लिग क्लब न्युकासलले स्विडेनका फरवार्ड अलेक्जेन्डर इसाकलाई अनुबन्ध गरेको छ ।

न्युकासलले स्पेनिस क्लब रियल सोसिडाडबाट इसाकलाई अनुबन्ध गरेको हो ।

न्युकासलले इसाक अनुबन्धको रकम भने खुलाएको छैन ।

२२ वर्षीय इसाकले लामो समयको सम्झौता गरेको न्युकासलले जनाएको छ ।

इसाक २०१९ मा जर्मन क्लब बोरुसिया डर्टमण्डबाट स्पेनिस क्लब आएका थिए ।

इसाकले स्पेनिस क्लबका लागि १ सय ३२ खेलमा ४४ गोल गरिसकेका छन् ।

उनले स्विडेनका लागि ३७ खेलमा ९ गोल गरेका छन् ।