सय वर्ष पुरानो काठबाट निर्मित हालान्डको प्रतिमा चोरी
काठमाडौं । म्यानचेस्टर सिटीका स्ट्राइकर एर्लिङ हालान्डको १० फिट अग्लो प्रतिमा चोरी भएको छ ।
उनको गृहनगर नर्वेको ब्रायनमा रहेको एउटा पसलमा ५० फिट माथि यो प्रतिमालाई गौरवको रुपमा राखिएको थियो।
लगभग एक टन तौल भएको रूखबाट निर्मित यो प्रतिमा हालान्ड जस्तो नदेखिएको भन्दै केहि दिन अघि एक उजुरी दर्ता भएको थियो ।
चोर असन्तुष्ट प्रशंसक भएको आशंका गरिएको छ । उ हालान्डको ठुलो फ्यान भएको र उसलाई यो प्रतिमा चित्त नबुझेपछि चोरेको हुन सक्ने प्रारम्भिक अनुसन्धान छ । चोरले यसलाई उठाउन रातमा क्रेन प्रयोग गरेको छ।
नर्वेका व्यापारी टोरे सिभर्टसेनले यो प्रतिमा बनाउन १० लाख पाउण्ड (झन्डै १६ लाख नेपाली रुपैया) खर्च गरेका थिए ।
सिभर्टसेनले बुधबार तान्जानियाको अस्पताललाई आर्थिक मद्दत गर्न यसलाई लिलामी गर्ने योजना बनाएका थिए।
बोरुसिया डर्टमन्डका लागि ८९ खेलमा ८६ गोल गरेपछि २२ वर्षीय हालान्ड समरमा म्यानचेस्टर सिटी पुगेका छन्।
उनले यो सिजन प्रिमियर लिगका तीन खेलमा तीन गोल गरेका छन् ।
ट्र्याक्टर व्यापारी सिभर्टसेनले द सनलाई भने, 'हामी सबै एर्लिङ माथि धेरै गर्व गर्छौं। उनलाई समर्पण गरेर प्रतिमा बनाउनु राम्रो हुन्छ भन्ने लाग्यो।'
