अफ्रिदीको स्थानमा मोहम्मदले खेल्ने

काठमाडौं । पाकिस्तानका तीब्र गतिका बलर शाहिन शाह अफ्रिदिको स्थानमा  मोहम्मद हसनैनले एसिया कप क्रिकेट खेल्ने भएका छन् ।

पाकिस्तानले सोमबार फास्ट बलर हसनैनलाई टिममा राखिएको जनाएको छ ।

घुडाँको समस्याका कारण अफ्रिदी एसिया कपबाट बाहिरिएका हुन् ।

घुडाकै समस्याका कारण अफ्रिदिले जारी नेदरल्याण्ड्सको सिरिज समेत गुमाएका थिए ।

एसिया कप अगस्ट २७ बाट युएईमा सुरु हुने छ ।

प्रतियोगितामा ६ टोली सहभागी हुदैछन् । एसीसीले सहभागी ६ टोलीलाई दुई समूहमा विभाजन गरेको छ ।

पाकिस्तान समूह 'ए' मा रहेको छ ।समूह 'ए' मा साविक विजेता भारत सहित पाकिस्तान र छनोटबाट आउने एक टोली रहेका छन् । कुवेत, हङकङ, सिंगापुर र कुवेत मध्ये एक टोली यस समूहमा रहने छन् ।

टी-ट्वान्टी फर्म्याटको प्रतियोगितामा समूहको शीर्ष दुई टोलीले सुपर चारमा स्थान बनाउने छन् । सुपर चारमा एकअर्काविरुद्ध खेल्ने छन् । त्यसपछि शीर्ष दुई टोलीले फाइनल खेल्नेछ ।

प्रतियोगिताको उद्घाटनमा श्रीलंका र अफगानिस्तानबीच अगस्ट २७ मा प्रतिस्पर्धा हुनेछ ।