सनलाई दुर्व्यवहार गर्नेलाई प्रतिबन्ध

काठमाडौं । इंग्लिस क्लब चेल्सीले टोटेनहमका फरवार्ड सन ह्युङ मिनलाई जातीय दुर्व्यवहार गर्ने समर्थकलाई प्रतिबन्ध लगाएको छ ।

चेल्सीले शनिबार सनलाई दुर्व्यवहार गर्ने समर्थकको पहिचान गरिएको र उनलाई अनिश्चित कालका लागि प्रतिबन्ध गरिएको जनाएको छ ।

सनलाई दुर्व्यवहार गर्ने समर्थक चेल्सीको सिजनल टिकट होल्डर रहेको बताईएको छ ।

स्टामफोर्ड ब्रिजमा गत हप्ता चेल्सी र टोटेनहमबीचको खेल दौरान सनलाई दुर्व्यवहार भएको थियो ।

कर्नरका लागि गएको बेला सनलाई समर्थकले जातीय दुर्व्यवहार गरेको बताईएको छ । उक्त खेलमा २-२ को बराबरीमा सकिएको थियो ।