आईसीसी यू-१९ विश्वकपको रोडम्याप सार्वजनिक

काठमाडौं । अन्तराष्ट्रिय क्रिकेट परिषद्(आईसीसी)ले २०२४ को आईसीसी यू-१९ विश्वकप क्रिकेटको रोडम्याप सार्वजनिक गरेको छ ।

आयोजनाको स्थल तय नभएको यस विश्वकपमा १६ मुलुकले सहभागीता जनाउने छन् । प्रतियोगितामा सहभागी १६ टिममध्ये ११ टिम छनोट भईसकेका छन्। बाँकी ५ टोली भने छनोटबाट आउने छन् ।

यसै वर्ष वेस्ट इन्डिजमा भएको यू-१९ विश्वकपमा शीर्ष ११ मा रहेका टिम आगामी विश्वकपका लागि सिधै छनोट भईसकेका छन् ।

छनोट हुने ११ मुलुकमा भारत, पाकिस्तान, श्रीलंका, बंगलादेश, इंग्ल्याण्ड, अस्ट्रेलिया, अफगानिस्तान, दक्षिण अफ्रिका, वेस्ट इन्डिज, आयरल्याण्ड र जिम्बावे रहेका छन् ।

५ टोली भने एसिया, अफ्रिका, युरोप, अमेरिका र इस्ट एसिया प्यासिफिकबाट समान १/१ टिम रहनेछन् ।

नेपालले भने ६ टोली रहेको एसिया क्षेत्रको डिभिजन वान जित्नु पर्ने हुन्छ । यस डिभिजन वानमा डिभिजन टूबाट आएका २ टोली सहित ६ टोली रहने छन् ।

डिभिजन टूमा बहराइन,भुटान,साउदी अरब, ओमान,कतार,हङकङ,कतार, सिङ्गापुर र थाईल्याण्ड रहेका छन् । यी आठ टिमबाट शीर्ष दुईमा रहने टिमले डिभिजन वानमा रहेका टिमसँग प्रतिस्पर्धा गर्नुपर्नेछ ।

डिभिजन वानमा नेपाल, यूएई, मलेसिया र कुवेत रहेका छन् । ६ टोली रहने एसिया डिभिजन वान जितेमा नेपालले विश्वकपमा स्थान बनाउने छ ।

सन् २०१६ पछि नेपालले ३ संस्करणको विश्वकप खेलेको छैन । नेपालले हालसम्म ७ पटक विश्वकपमा सहभागिता जनाईसकेको छ ।