सन्दीपको वरीयता सुधार

काठमाडौं । नेपाली राष्ट्रिय क्रिकेट टिमका कप्तान सन्दीप लामिछानेको टी-ट्वान्टीको बलिङ वरीयतामा सुधार भएको छ ।

अन्तर्राष्ट्रिय क्रिकेट परिषद (आईसिसी) ले अपडेट गरेको नयाँ वरीयतामा सन्दीप दुई स्थान सुधार हुँदै ४० औं स्थानमा उक्लिएका छन् ।

बलिङतर्फ नै अविनाश बोहरा एक स्थान सुधार गर्दै ९४ औं स्थानमा उक्लिएका छन् ।

ब्याटिङतर्फ आसिफ शेख एक स्थान सुधार गर्दै ९७ औं स्थानमा उक्लिएका छन् ।

कुशल भुर्तेल ३९ औं र दीपेन्द्र सिंह ऐरी ४२ औं स्थानमा यथावत रहेका छन् ।

अलराउण्डरतर्फ पनि दीपेन्द्र ८ औं स्थानमा यथावत रहेका छन् ।

एकदिवसीयतर्फ सन्दीप ३४ औं स्थानमा यथावत रहेका छन् ।

सोमपाल कामी ९४ र करण केसी ९५ औं स्थानमा झरेका छन् ।

एकदिवसीय ब्याटिङतर्फ रोहित पौडेल ८१ औं र आसिफ शेख १०० औं स्थानमा यथावत रहेका छन् ।

नेपालको एकदिवसीय वरीयता १९ औं स्थानमा रहदा टी-ट्वान्टीतर्फ १४ औं स्थान रहेको छ ।