वाई पोन्टिङ र पशुपति फाइनलमा

काठमाडौं । वाई प्वाइटिङ र पशुपति स्कुल इटहरी क्रिकेट एकेडमीको आयोजनामा सुनसरीमा जारी अन्तरविद्यालय इन्डोर क्रिकेट प्रतियोगिको फाइलमा प्रवेश गरेका छन ।

बुधबार भएको पहिलो सेमिफाइनलमा पशुपतिले लिटील पीस हेभनलाई १ विकेटले पराजित गर्यो । दोस्रो सेमिफाइनलमा वाई प्वाइटिङले ग्रिन पीसलाई २६ रनले पराजित गरेको छ ।

यसअघि आजै भएको लिग चरणको खेलहरुमा वाई प्वाइटिङले मकालु, पशुपतिले एसओएस, लर्ड बुद्धले सुनसरी कृष्टल, स्केयर हर्टले माउन्ट मकालु र एसओएसले लर्ड बुद्धलाई पराजित गरेको थियो ।

प्रतियोगिताको फाइनल भोलि (बिहीबार) हुनेछ ।  प्रतियोगिताको विजेता टोलीले मेडल, ट्रफी र प्रमाण पत्र पाउने तथा उत्कृष्ट ३५ खेलाडीहरुले इटहरी क्रिकेट एकेडमीले सम्बन्धित विद्यालयसँगको समन्वयमा नियमित प्रशिक्षण पाउने छन् ।