काठमाडौं । इंग्लिस प्रिमियर लिग (ईपीएल) २०२२–२०२३ सुरु भइसकेको छ । विश्वकै सबैभन्दा लोकप्रिय लिग हो, यो । आफूलाई सधैं अब्बल र दुरुस्त राख्न ईपीएलका क्बललाई सजिलो पनि छैन्, प्रत्येक सिजन नयाँ नयाँ खेलाडीका लागि करोडौं पाउन्ड खर्च गर्नु पर्छ । साँच्चै, नयाँ सिजनका लागि पाँच ठूला अनुबन्ध कुन कुन रहे त ? अनि तिनको प्रभाव कस्तो होला ?
फ्रान्सेली समाचार संस्था एएफपीले यसै विषयमा केन्द्रित भएर बनाएको सूची ।
इर्लिङ हल्यान्ड (म्यानचेस्टर सिटी)
सिटीलाई सेन्ट्रल स्ट्राइकरको आवश्यकता रहेको अहिले होइन, तर अबको सिजनका लागि त्यही भूमिकामा खेल्ने एक राम्रा खेलाडी पाएका छन् र ती हुन्, इर्लिङ हल्यान्ड नै । विश्व फुटबलले खुबै पछ्याइरहेका खेलाडीमा पर्छन्, यी । सिटीले यी नर्वेली खेलाडीका लागि छ करोड ३० लाख डलर खर्चेको छ । अनुमान छ, सिटीले अनुबन्धको पाँच वर्षमा हल्यान्डका लागि १९ करोड पाउन्ड खर्चनेछ । उनलाई लिएर प्रशिक्षक पेप ग्वार्डिओलाले भेका छन्, ‘हेर्दै जाउँ, उनीबाट गोल निस्कने नै छ ।’
डारविन नुनेज (लिभरपुल)
हल्यान्डले कम्युनिटी सिल्डमा राम्रो सुरुआत पाएनन् । तर त्यसको ठीक विपरित डारविन नुनेजले भने लिभरपुललको मीठो न मीठो सुरुआत लिए । यी उरुग्वेली खेलाडीका लागि लिभरपुलले बेनफिकाकालाई सात करोड ७० लाख डलर खर्चेको छ । उनले बायर्न म्युनिकतर्फ लागेको साडियो मानेको ठाउँ लिनेछन् । ठ्याक्कै भन्दा मानेको भूमिकामा लुइस डियाजले खेल्नेछन् र नुनेजले अगाडि तीन स्ट्राइकरमध्ये एकको जिम्मेवारीमा खेल्नेछन् ।
लिसान्ड्रो मार्टिनेज (म्यानचेस्टर युनाइटेड)
नयाँ सिजनका लागि म्यानचेस्टर युनाइटेडले अनुबन्ध गरेका सबैभन्दा ठूला नाम हुन्, लिसान्ड्रो मार्टिनेज । तर प्रश्न रहेको छ, यी अर्जेन्टिनी खेलाडीले ईपीएलको गतिसँग आफूलाई कसरी पो अभ्यस्त राख्ने छन् । त्यो त उनी म्यानचेस्टरका नयाँ प्रशिक्षक एरिक टेन हागका लागि नयाँ खेलाडी होइनन् । दुवैले आयाक्समा सँगसँगै बिताएका छन् । अझ आयाक्समा सेन्ट्रल ब्याक खेल्ने मार्टिनेजलाई अनुबन्ध गर्ने नै टेन हाग हुन् । म्यानचेस्टरले उनका लागि ५ करोड ७० लाख पाउन्ड खर्चेको छ र तय छ, उनीले अधिकांस खेलमा सुरुदेखि खेल्नेछन् ।
रहिम स्टर्लिङ (चेल्सी)
पेप ग्वार्डिओलाको नेतृत्वमा सिटीले जितेका दुई सुरुआती लिग उपाधिका प्रमुख खेलाडी हुन्, रहिम स्टर्लिङ । तर पछिल्ला दुई सिजनयता उनी ग्वार्डिओलाको प्रमुख रोजाइ हुन छाडेका छन्, विशेषत: ज्याक ग्रेलिस आएयता । उनी अझै पनि इंग्लिस टिमका प्रमुख खेलाडी हुन् । यसैबीच नयाँ छवि बनाउने प्रयासमा रहेको चेल्सीले यिनै खेलाडीलाई अनुबन्ध गरेका छन् । सिटी र लिभरपुलसँग बराबरको टक्कर दिने हो भने चेल्सीलाई नियमित गोल गर्न सक्ने खेलाडी चाहिन्छ र टोमस टुचेलले स्टर्लिङबाट यही आश गरेको छ ।
ग्याब्रिएल जिसस (आर्सनल)
सिटीमा एक अर्को अर्को ठूला स्टार भएपछि त्यसमै हराएका खेलाडी हुन्, ग्याब्रिएल जिसस । यी ब्राजिली खेलाडी विश्वकप अगाडि नियमित खेल्न चाहन्छन्, जुन सिटीमा सम्भव थिएन् । त्यसैले उनी लागेका छन्, आर्सनलतर्फ । उनले सिटीका लागि सात ठूला उपाधि जिते, तर कहिल्यै जस पाएनन् । ठीक यही बेला आर्सनललाई पनि उनी जत्तिको स्ट्राइकर चाहिएको थियो, त्यसैले दुवैको मन मिल्यो । आर्सनल समर्थकमाझ उनी ठूलो उत्साह लिएर आएका छन् ।
