पोखरामा यू-१८ फुटसल हुने

काठमाडौं । पोखरामा एकदिने यू-१८ फुटसल प्रतियोगिता आयोजना हुने भएको छ ।

पोखरा लेकसाइडस्थित लेकसाइड एरिना फुटसलमा आयोजना हुने प्रतियोगिता साउन २८ गते हुनेछ ।

प्रतियोगिताको विजेताले २० हजार र उपविजेताले १० हजार पुरस्कार पाउने छन् ।

उत्कृष्ट खेलाडी र उत्कृष्ट गोलकिपरलाई आकर्षक पुरस्कारबाट पुरस्कृत गरिने छ ।

प्रतियोगिता ए डिभिजन क्लब मनाङ मर्स्याङ्दी क्लबका खेलाडी सरोज योन्जन लामाले आयोजना गर्न लागेका हुन् ।

नयाँ युवा खेलाडीलाई प्रोत्साहन र प्लाटफर्म दिने उदेश्यले प्रतियोगिता आयोजना गर्न लागिएको उनले बताए ।