नवौं राष्ट्रिय खेलकुद : १२ उपसमितिको संयोजक र सचिव तोकिए    

काठमाडौं । गण्डकी प्रदेशमा आयोजना हुने नवौं राष्ट्रिय खेलकुद प्रतियोगिता सञ्चालनका गठन गरिएको १४ उपसमिति मध्येमा १२ उपसमितिको संयोजक र सचिवहरु तोकिएका छन् ।

नवौं राष्ट्रिय खेलकुदको कार्यकारी समितिले बुधबार पत्रकार सम्मेलन गर्दै १२ उपसमितिको संयोजक र सचिव तोकिएको जनाएको छ ।

समितिको संयोजक तथा राष्ट्रिय खेलकुद परिषद् (राखेप) का सदस्य सचिव टंकलाल घिसिङले १२ उपसमितिको संयोजक र सचिव तोकिएको बाँकी दुईको चाडैं तोकिने बताए ।

नवौंको लागि गठित समारोह उपसमितिको संयोजकमा एकेन्द्र कुँवर, सचिवमा शारिङ्गन निरौला, प्रविधिक उपसमितिको संयोजकमा हिमालराज दाहाल, सचिवमा प्रचण्ड शर्मा, खेलस्थल व्यवस्थापन उपसमितिको संयोजकमा राजेश गुरुङ, सचिवमा कृष्णप्रसाद तिमल्सिना, बसोबास व्यवस्थापन उपसमितिको संयोजकमा राजकुमार थापा र सचिवमा चन्द्रकुमार राई रहेका छन् ।

त्यस्तै अनुशासन उपसमितिको संयोजकमा पेमा लामा, सचिवमा नारायणराज अर्याल, स्वास्थ्य उपसमितिको संयोजकमा डा बुलन्द थापा, सचिवमा डा ज्ञानेद्र बिक्रम शाह, यातायात व्यवस्था उपसमितिको संयोजकमा प्रकाश कुसारी, सचिवमा देवराज कटुवाल, प्रचारप्रसार उपसमितिको संयोजकमा दिपेन्द्र विष्ट, सचिवमा खुसराज दाहाल, खेल सामाग्री तथा पोशाक व्यवस्थापन उपसमितिको संयोजकमा अन्जन धमला, सचिवमा सुजन खतिवडा, स्रोत परिचालन उपसमितिको संयोजकमा सुर्य भण्डारी, सचिवमा सरोज कुमार पोखरेल, स्वयंसेवक उपसमितिको संयोजकमा जनक बर्तौला, सचिवमा लिलाराम बस्नेत र एन्डीडोपिङ उपसमितिको संयोजकमा नमिसमान प्रधान, सचिवमा दोब्रे तामाङ रहेका छन् ।

सुरक्षा प्रबन्ध उपसमिति र अनुसन्धान उपसमितिको संयोजक र सचिव तोकिएको छैन ।

नवौं राष्ट्रिय खेलकुद असोज २८ देखि कात्तिक ३ गतेसम्म आयोजना हुनेछ ।

नवौं राष्ट्रिय खेलकुदमा सात प्रदेश, तीन विभाग र एनआरएनए गरि ११ टिमले ३६ खेलमा प्रतिस्पर्धा गर्ने छन् ।