काठमाडौं । बार्सिलोनाले युवा स्टार पेड्रीलाई ८ नम्बरको प्रसिद्ध जर्सी दिएको छ । क्लबका लिजेण्ड खेलाडी एन्ड्रेस इनिस्टा, पेप ग्वार्डिओला र ग्यारी लाइनकरले लगाएको जर्सी नम्बर युवा स्टार पेड्रीलाई दिईएको हो ।
१९ वर्षिया खेलाडी सन् २०१९ मा लास पाल्मासबाट बार्सिलोना आएका थिए । उनै पेड्रीले अर्को सिजन बार्सिलोनाका लागि ८ नम्बरको जर्सी लगाउने छन् ।
पेड्रीले क्याटलान क्लबका लागि ७३ खेलमा मैदान उत्रिएका छन् । उनले ९ गोल गर्नुका साथै कीर्तिमानी ७ गोलको अवसर सिर्जना गरे । पेड्री बार्सिलोनाका प्रशिक्षक जाभीका लागि महत्वपुर्ण खेलाडी सावित बनेका छन् ।
बार्सिलोनाको इतिहासमा सबैभन्दा महान खेलाडी रहेका जाभी आफैपनि उत्कृष्ट मिडफिल्डर मानिन्थे । उनै जाभीले पेड्रीलाई संसारकै सबैभन्दा क्षमता भएका खेलाडी मान्छन् ।
उनले पेड्रीको विषयमा भनेका छन्, 'यो दुनियाँमा पेड्री जति क्षमता भएको खेलाडीनै छैनन् । उनी भर्खरै १९ वर्षका भएका छन् ।'
'उनी टिममा हुनु आश्चार्यजनक हो । र हामीले उनको ख्याल राख्न आवश्यक छ ।' जाभीले थप्छन् ।
'उनी सामान्य खेलाडी हैनन् । उनी जस्तो केही सिमिति खेलाडी मात्र छन् । उनी आफ्नो स्थानमा विश्वकै उत्कृष्ट खेलाडी भैसकेका छन् ।' जाभीले भने ।
पेड्रीले गत वर्षमात्र बार्सिलोनासँग नयाँ सम्झौता गरेका थिए । उनी सन् २०२६ सम्म बार्सिलोनामै रहनेछन् ।
बार्सिलोनाले उनको रिलिज क्लज ८ सय ४६ मिलियन पाउण्ड तोकेको छ । जाभी र अध्यक्ष जोन लापोर्टाको युगमा बार्सिलोनाले पेड्रीलाई मुख्य खेलाडीको रुपमा विकास गर्न खोजेको छ ।
