एन्फा महासचिवमा राई र कोषाध्यक्षमा जोशी नियुक्त

काठमाडौं । अखिल नेपाल फुटबल संघ (एन्फा) को महासचिवमा किरण राई नियुक्त भएका छन् ।

एन्फाको नयाँ नेतृत्वको कार्यसमितिको पहिलो बैठकले बुधबार राईलाई महासचिव नियुक्त गरेको हो ।

राई अघिल्लो कार्यसमितिको प्रवक्ता थिए । तर, उनले राजीनामा दिएका थिए ।  

यस्तै बैठकले रवीन्द्र जोशीलाई कोषाध्यक्ष नियुक्त गरेको छ । उनी अघिल्लो पटक पनि कोषाध्यक्ष थिए । 

त्यस्तै नविन पाण्डेलाई विदेश विभाग प्रमुख नियुक्त गरिएको छ ।

काठमाडौंको बुढानिलकण्ठस्थित पार्क भिलेज रिसोर्टमा सोमबार भएको एन्फाको निर्वाचनबाट पंकजबिक्रम नेम्वाङको नेतृत्वमा नयाँ कार्यसमिति निर्वाचित भएको थियो । 

महासचिव र कोषाध्यक्ष भने मनोनित हुने प्रावधान रहेको छ ।